ធ្លាក់ភ្លៀងរន្ទះបានបាញ់ចំបុរសម្នាក់បណ្តាលឲ្យសា្លប់ភ្លាមនៅស្រុកស្អាង
03-August-2016 | ដោយ មែន កំសត់
កណ្តាល៖ធ្លាក់ភ្លៀង១មេរន្ទះបានបាញ់ចំបុរសម្នាក់បណ្តាលឲ្យ សា្លប់ភ្លាមខណៈបុរសនោះបានទៅបម្រុងដឹកគោយកមកផ្ទះ។ហេតុការណ៍ បានកើតឡើងនៅចំណុចអូរលលៃស្ថិតនៅភូមិតាពេជឃុំក្រាំងយ៉ូវស្រុក ស្អាងខេត្តកណ្ដាលកាលពីរសៀលថ្ងៃទី២ខែសីហាឆ្នាំ២០១៦។
មន្ត្រីសមត្ថកិច្ចបានឲ្យដឹងថាជនរងគ្រោះបាត់បង់ជីវិតឈ្មោះសុក ភក្ត្រា ភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិអង្គ ឃុំក្រាំងយ៉ូវ ស្រុកស្អាងខេត្កណ្ដាល។មុនពេលកើតហេតុជនរងគ្រោះបានចេញពីផ្ទះជិះ ម៉ូតូជាមួយឈ្មោះប៉ោលីទ្រីទៅដឹកគោនៅកន្លែងកើតហេតុដើម្បីយកមកផ្ទះ ។ខណៈពេលនោះមេឃរកកលនឹងភ្លៀងជនរងគ្រោះបានចុះពីម៉ូតូដើរសំដៅ កន្លែងចងគោស្រាប់តែមានសម្លេងរន្ទះបាញ់ពីរដងហើយក៏ធ្លាក់ភ្លៀងចុះមក ។ពេលនោះឈ្មោះប៉ោលីទ្រីបានឃើញគោផ្អើលរីឯជនរងគ្រោះមិនបានដឹកគោ មកវិញទេខ្លួនក៍សង្ស័យថាអាចភក្ត្រាអាចត្រូវរន្ទះបាញ់ហើយ។ប៉ុន្តែ ដោយសារភ្លៀងខ្លាំងខ្លួននៅតែម្នាក់ឯងនៅរង់ចាំដល់មេឃរាំងភ្លៀងសិន ទើបដើរទៅមើលបានឃើញជនរងគ្រោះដួលស្ដូកស្ដឹងស្លាប់បាត់ទៅហើយ។
មន្ត្រីដដែលបានបន្តថាបន្ទាប់មកឈ្មោះប៉ោលីទ្រីបានមកហៅសាច់ញាតិ បងប្អូននិងកម្លាំងជំនាញបច្ចេកទេសស្រុកប៉ុស្ដិ៍ក្រាំងយ៉ូវ ក្រុមប្រឹក្សាឃុំមេភូមិចុះធ្វើការពិនិត្យលើសាកសពឃើញថាជនរងគ្រោះ ពិតជាត្រូវរន្ទះបាញ់ស្លាប់ប្រាកដមែនហើយបានប្រគល់សពជូនក្រុមគ្រួសារ យកទៅរៀបចំធ្វើបុណ្យតាមប្រពៃណី ៕S
ចំនួនអ្នកទស្សនា
- ថ្ងៃនេះ10171
- ម្សិលមិញ6261
- សប្តាហ៍នេះ28551
- ខែនេះ143701
- ឆ្នាំនេះ143701
- សរុប20586157